दार्चुला– दार्चुलाको शैल्यशिखर नगरपालिकाले भोलि (मंगलबार) नगर क्षेत्रका सबै कार्यालयहरुमा शोक बिदा दिएको छ । नगरपालिकामा कार्यरत नायब प्राविधिक सहायक खेमराज कपाडीको मोटरसाइकल दुर्घटनामा परी निधन भएको शोकमा बिदा दिइएको नगरपालिकाले जारी गरेको सूचनामा उल्लेख गरिएको छ ।
शैल्यशिखर नगरपालिबाट कार्यालयको कामले डडेल्धुरा गइरहेका कपाडीको आइतबार मोटरसाइकल दुर्घटनामा परी निधन भएको थियो । बैतडीको दोगडाकेदार गाउँपालिका ५ सलसेनामा उनी सवार मोटरसाइकल दुर्घटनामा परेको थियो । कपाडीको निधनमा शोक व्यक्त गर्दै नगरपालिकाले भोलि नगरपालिका क्षेत्रभित्रका सबै कार्यालयहरुमा शोक बिदा रहेको उल्लेख गरेको छ ।
