बाजुरा- जिल्ला अस्पताल बाजुराका स्वास्थ्यकर्मी पनि आन्दोलित बनेका छन्। देशका विभिन्न स्थानमा स्वास्थ्यकर्मी माथिको आक्रमणको विरोध गर्दै बाजुराका स्वास्थ्यकर्मी पनि आन्दोलित बनेका हुन। विभिन्न स्वास्थ्य संस्था तथा अस्पतालको डिउटीमा खटिएका चिकित्सक तथा स्वास्थ्यकर्मी माथि आक्रमण हुनु निन्दनीय भएको भन्दै बाजुराका स्वास्थ्यकर्मी पनि आन्दोलित बनेका हुन्।

ग्रामिण क्षेत्रका स्वास्थ्य संस्था संचालनमा भएपनि जिल्ला अस्पतालका स्वास्थ्यकर्मीहरु भने अस्पतालमा सेवा बन्द गरेर आन्दोलित हुदैँ सडकमा उत्रिएका छन्। स्वास्थ्यकर्मी माथि भएका दुव्र्यवहार तथा भौतिक आक्रमण प्रति गम्भीर ध्यानाकर्षण भएको भन्दै आज प्रमुख जिल्ला अधिकारीमार्फत प्रधानमन्त्रीलाई पत्रसमेत बुझाएको बाजुरा अस्पताल प्रमुख समिता पुनले बताइन्।

स्वास्थ्य जस्तो संवेदनशिल स्थान जहाँ स्वास्थ्यकर्मीहरु भोकप्यास र निन्द्रा नभनि बिरामीको सेवामा खटिएपनि अस्पतालमै स्वास्थ्यकर्मी माथि भइरहेका आक्रामक घटनाको बिरोध गरेका छन्। त्यस्ता घटनामा संलग्न दाषिहरुलाई स्वास्थ्यर्की तथा स्वास्थ्य संस्थाको सुरक्षा सम्बन्धी ऐन २०६६ पहिलो संसोधन २०७९ बमोजिम कडा कानुनी सजाय नगरी उल्टै राज्यबाट बचाउँदा आफ्नो मनोबल घट्नुका साथै असुरक्षित भएको उनिहरुले बताएका छन्।

घटनाका दोषिहरुलाई कानुन बमोजिम कारवाही नहुँदा जिल्ला अस्पताल बाजुराबाट प्रवाह हुने आकस्मिक सेवा बाहेकका अन्य सेवाहरु बन्द गरेका छन्। साथै आजबाट अर्को सूचना जारी नभएसम्म सेवा ठप्प पार्ने र त्यसबाट उत्पन्न परिस्थितिको जिम्मा राज्यले नै लिनु पर्ने उनिहरुले बताएका छन्।