धनगढी- धनगढी उपमहानगरपालिकाले संजिवनी अस्पताललाई सञ्चालनका लागि अझै इजाजत दिएको छैन् । उपहानगरपालिकाले इजाजत नदिदा अस्पतालले दिँदै आएको सबै सेवा बन्द छ । बिना दर्ता सञ्चालनमा आएको भन्दै केही दिन पहिले प्रशासनले ताला समेत लगाएको थियो ।
धनगढीमा एकै प्रकृतिको अर्का अस्पताल स्वस्तिक कार्डियो एण्ड मल्टिस्पेसियालिटी प्रालिलाई भने धनगढीले इजाजत दिइएको भएपनि संजिवनीलाई भने इजाजत दिएको छैन् ।
उपमहानगरपालिकाले स्वस्तिकलाई एक वर्षका लागि १५ सैय्या सञ्चालनको अनुमति दिएको छ । तर संजिवनीले अहिले राष्ट्र बैंक छेउमा जग्गा भाडामा लिएर संरचना खडा गरेको भएपनि उपमहानगरपालिकाले अनुमति दिएको छैन् ।
संजिवनीका सञ्चालक दुश्यन्त बस्नेतले उपमहानगरपालिकाले इजाजत नदिदा अहिले अस्पताल बन्द गर्नु परेको बताए । उपमहानगरपालिकाले भुकम्प प्रतिरोधी संरचनाको डकुमेन्ट मागेकाले दिन नसक्दा इजाजत नदिएको उनले बताए ।
उनले धनगढीमा सञ्चालित कुनै पनि अस्पतालसँग भुकम्प प्रतिरोधी संरचनाको डकुमेन्ट नहुँदा पनि सञ्चालन अनुमति दिएको भन्दै उनले आफूहरुलाई विभेद गरेको बताए । ‘म सँग मात्रै डकुमेन्ट माग्यो अरुसँग मागेन,’ उनले भने, ‘म माथि उपमहानगरपालिकाले अन्यायपूर्ण व्यावहार ग¥यो । अस्पताल सञ्चालनका लागि करोडैको खर्च गरेपनि अहिले बन्द गर्नुपर्दा सारै दुःख लागेको छ ।’
धनगढी उपमहानगपालिका स्वास्थ्य शाखा प्रमुख योगेश अवस्थीले प्रशासनको अनुगमन अनुसार अस्पताल भवनको मापदण्ड नपुगेकाले इजाजत नदिइएको बताए । केही दिन अघि मात्रै समय दिएर अस्पताललाई कागजात पेश गर्नु आग्रह गरे अनुसार अस्पतालले कागजात पेश गरेको र छानबिन गर्न बाँकी रहेको उनले बताए ।
