धनगढी- नेकपा एमाले सुदूरपश्चिम प्रदेश कमिटीको प्रथम अधिवेशन आजबाट सुरु भएको छ । धनगढीको सौँराइ पार्टी प्यालेसमा एमाले सुदूरपश्चिमको अधिवेशन सुरु भएको हो ।
अध्यक्ष पदमा अहिलेसम्म कमल तिमिल्सेना, कृष्णप्रसाद जैसी र बच्चनबहादुर सिंहको नाम चर्चामा छ। सकेसम्म सर्वसम्मत रूपमा नेतृत्व चयन गरिने, सहमतिमा पुग्न नसके निर्वाचनबाट टुङ्गो लगाउने बताइएको छ । अधिवेशनमा प्रदेशका ९ जिल्लाका ६ सय ७५ प्रतिनिधि सहभागी छन् ।
