कञ्चनपुर- कञ्चनपुरमा रोकी राखेको ट्याक्टरसँग मोटरसाइकल ठोक्किँदा एक जनाको मृत्यु भएको छ । भने दुई जना घाइते भएका छन्। जिल्लाको पुनर्वास नगरपालिका वडा नम्बर २ माईलीबजारस्थीत रोकी राखेको से १ त ४१५९ नम्बर ट्याक्टरसँग म २ प ४६२५ नम्बरको मोटरसाइकल ठोक्किएको हो।

बिहिवार राती कञ्चनपुरको दक्षिणी क्षेत्र धनगढीबेलौरी हुलाकी राजमार्गमा भएको उक्त दुर्घटनामा मोटरसाइकल चालक पुनर्वास ५ का २१ वर्षीय अभिषेक रानाको मृत्यु भएको प्रहरीले जनाएको छ। उनको उपचारका क्रममा मृत्यु भएको हो। यस्तै दुर्घटनामा परी १९ अनुप रानाको टाउको, मुखमा चोट लागेको छ।

१८ वर्षीय रञ्जिता रानाको दाहिने खुट्टा,दुवै हातमा चोट लागेको ईलाका प्रहरी कार्यालय त्रिभुवनबस्तीले जनाएको छ। घाइते दुवैको धनगढी स्थित माया मेट्रो अस्पतालमा उपचार भइरहेको र ट्याक्टर प्रहरीको नियन्त्रणमा रहेको छ।

कञ्चनपुरको पुनर्वास नगरपालिका ३ राम बस्तीका बमबहादुर तामाङले माईलीबजारमा रोकाएर राखेको ट्याक्टरमा ठक्कर दिँदा दुर्घटना भएको ईलाका प्रहरी कार्यालय त्रिभुवन बस्तीका प्रहरी निरीक्षक हेमराज भट्टले बताए।

मोटरसाइकलमा सवार तीनै जना पुरैना देखी उदरी गाऊ जाँदै गरेका थिए। नियम विपरीत सडक किनारामा ट्रलीहरू राखिदा वर्षेनी दुर्घटनाबाट ज्यान गुमाउने गरेको स्थानीयको भनाई छ । सवारी धनीले नियमको उल्लङ्घन र अटेरी गर्दै सडक किनारमा पार्किङ गर्दा दुर्घटनाको जोखिम बढेको उनीहरूको भनाई छ। ट्याक्टर र चालकलाई प्रहरीले नियन्त्रणमा लिएको छ ।