जनप्रतिनिधि चुनिएको डेढ वर्ष भएको छ । सुदूरपश्चिम प्रदेशको कैलालीस्थित बर्दगोरिया गाउँपालिकामा न्यायिक समितिले गरेका मिलापत्र, मुद्दाका किसिम लगायत गाउँपालिकाले गरिरहेको जनपक्षीय कामको समग्र वस्तुस्थिति बारे उपाध्यक्ष गणेशराज गिरी ‘लालदीप’ को विचारलाई प्रस्तुत गरेका छौँ ।
डेढ वर्षको अवधिमा न्यायिक समितिमा २६ मुद्दा आए, हाम्रो अधिकार क्षेत्रभित्र पर्ने १५ मुद्दा मिलापत्र गरी घर पठाएका छौँ । बाँकी मुद्दा अदालत पठायौँ । मुद्दाको प्रकृति हेर्दा बढी जसो लेनदेन, श्रीमान्/श्रीमतीका झगडा, जग्गा विवादका मुद्दा आए ।हामीले जनताको पक्षमा काम गर्ने हो, हाम्रा कामबाट जनता कत्तीका लाभान्वित भए थाहा हुँदैन,उनीहरूलाई थाहा हुने कुरा हो ।
हामी निर्वाचित भएर आई सकेपछि मुख्य जनताको समस्या ऐलानी जग्गा नम्बरी गर्नु पर्ने रहेछ, हामीले नाप नक्सा गरी लालपुर्जा दियौँ, भने केही वडामा नापी हुने क्रम जारी छ । शिक्षा क्षेत्रमा एक कक्षादेखि १० कक्षासम्म निःशुल्क शिक्षाको अवधारण ल्यायौ कार्यान्वयन भएको छ । क्याम्पस,अस्पताल निर्माण भएका छन । वडाहरूमा स्वास्थ्य इकाईहरू खडा छन,भने तीन वटा वडामा बर्थिङ सेन्टर निर्माण भएका छन ।
केही वडामा एम्बुलेन्स को व्यवस्था छ,भने सुत्केरी महिलाको सहज उपचारको व्यवस्था छ ।कृषि क्षेत्रको विकासका लागि योजना बनाएको, माछा पालन गर्ने कृषकका लागि छुटै योजनाको व्यवस्था मिलाइएको छ । खानेपानीको क्षेत्रमा विश्व बैंकको सहयोग र प्रदेश सरकारको सहयोगमा सबै वडाहरूमा शुद्ध खानेपानीको कामलाई सुरुवात गरिएको छ ।
सबै सडक पानी पिचको अवधारणका साथ सबै जनप्रतिनिधि एकजुट भएर लागेका छन् । सबै जनताप्रति उत्तरदायी भएर काम गर्दै गइरहेको भान भइरहेको छ ।रोजगारलाई बढी केन्द्रमा राखेर काम गर्ने लक्ष्य लिएका छौँ ।
प्रदेश सरकारको सहयोगमा सिलाइ कटाई गर्ने व्यवस्था मिलाएका छौँ । विकासका लागि तीन वटा सरकारको उत्तिकै आवश्यक छ । सबै सरकार मिलेर अघि बढे विकास सम्भव हुने विचार मेरो रहँदै आएको छ ।
