धनगढी- कैलालीमा प्रहरीका सहायक हवल्दार लागु औषधसहित पक्राउ परेका छन्। नेपाल प्रहरी गण धनगढीमा कार्यरत सवारी चालकसमेत रहेका प्रहरी सहायक हवल्दार विष्णु चौधरी लागु औषधसहित पक्राउ परेको जिल्ला प्रहरी कार्यालय कैलालीले जनाएको छ।
जिल्ला प्रहरी कार्यालय कैलालीका अनुसार उनलाई सोमवार इलाका प्रहरी कार्यालय, माला खेतीको टोलीले पक्राउ गरेको हो। उनका साथबाट आठ सय ८० मिलिग्राम लागु औषध फेला परेको जनाइएको छ।
उनको स्थायी ठेगाना गोदावरी नगरपालिका–५ हो। इलाका प्रहरी कार्यालय, मालाखेतीले सो घटनामा थप अनुसन्धान जारी रहेको जनाएको छ।
