धनगढी- कैलालीको धनगढी उपमहानगरपालिका–५ शिवनगरमा रहेको चैतन्य पाठशाला स्कुलले माघी मिलन कार्यक्रम मनाएको छ । शिक्षासँगै संस्कारलाई प्राथमिकता दिँदै आएको चैतन्य पाठशालाले शुक्रवार माघी मिलन २०८० मनाएको हो । चैतन्य पाठशालाका अध्यक्ष गणेश प्रसाद जोशीको अध्यक्षतामा भएको कार्यक्रमको प्रमुख अतिथि चैतन्य पाठशालाका प्रमुख सल्लाकार चैतन्य ईन्सिच्चुट रिसर्च एण्ड डेभलपमेन्ट अध्यक्ष डा। हेमराज पन्त रहेका थिए ।
कार्यक्रममा बोल्दै प्रमुख अतिथि डा।पन्तले कला संस्कृतिलाई हामी सबैले जगेर्ना गर्नुपर्ने बताए। उनले हाम्रो सुदूरपश्चिमको पहिचान, कला संस्कृतिलाई हामीले भुल्न नहुने भन्दै भोलिको पुस्ताले संस्कृतिबारे हामीले जग्र्रना गरे नै भने भोली आउने पुस्ताले थाहा समेत नपाउने बताए । त्यसका लागी संस्कृतिलाई बचाउन हामीले आ आफ्नो तर्फबाट लाग्नुपर्ने जोड दिन आग्रह गरे।
कार्यक्रममा स्वागत मन्तव्य राख्दै सहायक प्रधानाध्यापक कटकबहादुर सिंहले कला र सभ्यता सँगै संस्कृति जगेर्ना गर्ने पहिलो उद्देश्य रहेको बताए । शिक्षासँगै कला र संस्कृतिको मूल्य मान्यता बिद्यार्थीहरुमा जागृति गराउने र दक्ष, क्षमता वान, अब्बल विद्यार्थी उत्पादन गर्ने चैतन्य पाठपाशालाको उद्देश्य रहेको बताउँदै माघी मिलनको पर्वको शुभकामना दिए ।
उनले शिक्षा र संस्कारकै कारण अहिले संस्कृतिको विकास भइरहेको बताउँदै शिक्षाले संस्कार र संस्कारले शिक्षालाई जोड्ने पुलको काम गरेको बताए । कार्यक्रममा सुदूरपश्चिमको मौलिक खानाका परिकारहरूको प्रदर्शनी समेत गरिएको थियो भने बिद्यार्थीहरुले विभिन्न नाच गान प्रस्तुत गरेका थिए । कार्यक्रमको सञ्चालन शिक्षिका हेमा जोशीले गरेकी थिइन् ।
कार्यक्रममा धनगढी उपमहानरपालिका वडा ५ का वडाध्यक्ष गजेन्द्र बहादुर शाही , धनगढी वडा नम्बर ६ का वडाध्यक्ष भागीराम चौधरी, वडा नम्बर ७ का वडाध्यक्ष मोतीलाल राना, वडा नम्बर ८ का वडाध्यक्ष जगुराम चौधरी, चैतन्य पाठशालाका पिटी ए ,अध्यक्ष ईश्वर गिरी, अभिभावक, चैतन्य पाठशालाका प्रिन्सिपल अशोकराज खाती विद्यालयका शिक्षक तथा शिक्षिका, बिद्यार्थीहरुको सहभागिता रहेको थियो ।
