धनगढी- कैलालीको धनगढीमा रहेको सुर्मा साइपाल बचत ऋण सहकारी संस्था लिमिटेडको १४ औँ वार्षिक साधारण सभा सम्पन्न भएको छ ।सहकारीले धनगढीमा शुक्रबार एक कार्यक्रमको आयोजना गर्दै १४ औँ वार्षिक साधारण सभा सम्पन्न गरेको हो । सुर्मा साइपाल बचत ऋण सहकारी संस्था लिमिटेडका अध्यक्ष मदनराज रेग्मीको अध्यक्षत्यतामा भएको कार्यक्रमको प्रमुख अतिथि सुदूरपश्चिम प्रदेशका सभामुख भीमबहादुर भण्डारी रहेका थिए ।
साधारण सभा बोल्दै प्रमुख अतिथी सभामुख भण्डारीले सहकारी मोटाउनुको कुनै अर्थ नरहेको भन्दै आफ्नो लक्ष्य उद्देश्यका साथ अगाडि बढ्नुपर्ने बताए । उनले मोटाएका केही सहकारीहरु धरासायी भएर गएको उदाहरणसमेत दिए । उनले सहकारीमा खेल्नुपर्ने भूमिका लागि आफू कटीबद्ध भएर लाग्ने प्रतिबद्धतासमेत जनाए ।
साधारणसभामा सहकारीका अध्यक्ष रेग्मीले वार्षिक प्रतिवेदन प्रस्तुत गरेका थिए । सहकारीले केही ऋण व्यक्ति र बचतकर्तालाई सम्मान समेत गरेको थियो ।
यस सहकारीको शेयर पुजी पाँच करोड रहेको छ जसमध्य २०७९ असार मसान्तसम्म चुक्ता शेयर पुजी तीन करोड सात लाख ३२ हजार पाँच सय रहेको छ । जसमा १९.८५ प्रतिशतले वृद्धि भइ २०८० असार मसान्त सम्म चुक्ता शेयर पुजी ३ करोड ६८ लाख ३५ हजार ३ सय पुगेको सहकारीले जनाएको छ ।
२०७९ असार मसान्तसम्म शेयर सदस्य ११०३ रहेकोमा वृद्धि भई २०८० असार मसान्त सम्म ११९८ पुगेको छ । हाल २०८० मसिर मसान्त सम्म चुक्ता शेयर पुजी ३ करोड ८१ लाख २९ हजार तीन सय रहेको छ भने १२३५ जना शेयर सदस्य रहेका छन् ।
