कालीकोट – अछामको पञ्चदेवल विनायक नगरपालिकाका एक युवक हराएको झण्डै तीन महिनापछि फेला परेका छन् । गत कात्तिक ७ गतेदेखि हराएका विनायक नगरपालिका –५ (साबिकको ल्याटी गाविस–२) बस्ने बिर्खबहादुर शाहीका १८ वर्षीय छोरा चेतन शाही सम्पर्कमा आएका हुन् ।
चेतन भारतको नानपारामा पुगेको खबर घर परिवारलाई आएको थियो । त्यसपछि आफन्तले चेतनको उद्धार गरी घर ल्याउनुभएको छ । वडा नं ५ का वडाध्यक्ष हेमबहादुर शाहीले युवकको खोजीका लागि सार्वजनिक सूचना जारी गरेका थिए ।
उनले कसैले भेटेमा नजिकको प्रहरी कार्यालय वा मोबाइल ९७४४२९८००६ र ९७४२२०३०७८ मा खबर गरिदिन अपिल गरेपछि सोही नम्बरमा फोन आएकाले नेपालगन्ज रुपैडियादेखि भारततर्फको २० किलोमिटर टाढाबाट युवकको उद्धार गरिएको बताए ।
चेतनका आफन्त देविन्द्र बमले छोरा हराएदेखि आमा बेहोस हुनुभएको बताए । वेपत्ता चेतनका खोजी गर्दा पनि नभेटिएपछि परिवारका सदस्यहरू चिन्तित भएका बेला गोरखापत्रमा समाचार प्रकाशन भएको थियो । बेपत्ता चेतन घर पुगेको आज ९मङ्गलबर० तीन भएको आफन्त बमले जानकारी दिए ।
