धनगढी- भारतको कर्नाटक राज्यको नघबारामा सुदूरपश्चिमका दुई युवक मृत फेला परेका छन्। मृत्यु हुनेमा कञ्चनपुरको भीमदत्त नगरपालिका–५ का ३३ वर्षीय दीपक खड्का र डोटीका लक्ष्मणसिंह विष्ट मृत फेला परेका हुन्।
मृतक दीपकका दाजु ईश्वर खड्काका अनुसार बुधवार रातिदेखि बेपत्ता रहेका उनीहरूको शव क्षतविक्षत अवस्थामा बिहीबार बिहान रेलवे नजिक भारतीय प्रहरीले फेला पारेको बताए।
दीपकको शव चिनिने अवस्थामा रहेको भए पनि लक्ष्मणको शव टाउको नभएको अवस्थामा फेला परेको छ। उनीहरूसँग भएको आधार कार्डअनुसार भारतीय प्रहरीले पहिचान गरेर आफन्तलाई खबर गरेको ईश्वर खड्काले बताए। अहिले दुवैको शव पोष्टमार्टमका लागि अस्पतालमा राखिएको छ।
