धनगढी- कैलालीको धनगढीबाट खैरो हेरोइनसहित एक जना भारतीय नागरिक पक्राउ परेका छन्। १७ ग्राम २४० मिलिग्राम खैरो हेरोइनसहित भारत लखिमपुर खिरी पलियाकलाका २० वर्षीय करन रानालाई पक्राउ परेका हुन् ।
शुक्रवार दिउँसो धनगढी उपमहानगरपालिका वडा नम्बर १८ बाट उक्त परिणामको लागु औषध खैरो हेरोइनसहित पक्राउ गरिएको हो।
रानालाई विशेष सूचनाका आधारमा नेपाल प्रहरी प्रदेश कार्यालय महेन्द्रनगर, लागु औषध नियन्त्रण ब्युरो शाखा महेन्द्रनगर र ईलाका प्रहरी कार्यालयबाट फूलबारीको संयुक्त टोलीले पक्राउ गरेको हो ।
रानालाई नियन्त्रण लिएर जिल्ला प्रहरी कार्यालय कैलालीले अनुसन्धान गरिरहेको जनाइएको छ ।
