मंगलसेन- भारतको पुना (पुणे)बाट धनगढी आउँदै गरेको बस दुर्घटनामा घाइते भएका एक युवकको उपचारका क्रममा मृत्यु भएको छ । पुणेबाट बसमा घर आउन लागेका कमबलजार नगरपालिका–२ बजुडाका ४० वर्षीय लालबहादुर खड्काको निधन भएको हो ।
बसमा सवार रहेका २३ जना घाइते भएका र उनीहरुको पुणेको माली गाउँका विभिन्न अस्पतालहरुमा उपचार भइरहेको बताइएको छ । घाइतेहरुका विवरण खुल्न सकेको छैन ।
धनगढी आउँदै गरेको यात्रुवाहक बस भारतको नासिकस्थित माले गाउँमा सोमबार बिहान करिब ९ बजे दुर्घटना भएको थियो । आइतबार पुणेबाट सुदूरपश्चिमका यात्रु ल्याएर आएको उक्त बसमा एकसय १० जना यात्रु रहेको र अर्को सवारी साधनभन्दा अगाडि जाने बेलामा दुर्घटना भएको बताइएको छ ।
