कञ्चनपुर- बालिकालाई जबरजस्ती करणी गरेको अभियोगमा कञ्चनपुरको बेलौरीबाट एक जना वृद्धलाई प्रहरीले पक्राउ गरेको छ । शुक्रबार साँझ बेलौरी नगरपालिका वडा नम्बर ५ भकुण्डा बस्ने १२ वर्षीया बालिकालाई जबरजस्ती करणी गरेको अभियोगमा सोही ठाउँ बस्ने ६१ वर्षीय राम ज्ञान चौधरीलाई प्रहरीले पक्राउ गरेको हो ।
उनले ती बालिकालाई पटक-पटक जबरजस्ती करणी गरेको भन्ने उजुरीको आधारमा इलाका प्रहरी कार्यालय बेलौरीबाट खटिएको प्रहरी टोलीले उनलाई पक्राउ गरेको हो । यस सम्बन्धमा आवश्यक अनुसन्धान गरिरहेको प्रहरीले जनाएको छ ।
