धनगढी- कैलालीका धनगढी उपमहानगरपालिका–१४ फूलबारी स्याउलेस्थित जनकल्याण सामुदायिक वन उपभोक्ता समूहले ११ औँ वाषिक साधारण सभा गरेको छ ।
आज सव डिभिजन वन कार्यालय परिसरमा भएको समूहको साधारण सभामा समूहका कोषाध्यक्ष विवेक मल्लले आर्थिक वर्ष २०७९ । ०८० को असार मसान्तसम्मको आयव्यय प्रस्तुत गरेका थिए । प्रस्तुत गरेको आयव्ययमा उपभोक्ताले टिप्पणी गरेका छन् । धनगढी उपममहानगरपालिका–१४ की वडासदस्य कृष्णा नेपाली प्रमुख अतिथि रहेको सो कार्यक्रममा समूहका उपभोक्ता जीतबहादुर अधिकारीले स्वागत मन्तव्य व्यक्त गरेका थिए । साधारण सभा समूहका उपाध्यक्ष पुष्पराज पुरीको अध्यक्षतामा भएको थियो ।
