कैलाली । धनगढी १३ राजपुर बजारमा ट्रकको ठक्करबाट सिक्सलेनको तारबार भत्कीनुका साथै एक जना पैदल यात्रु घाईते भएका छन । कपिलबस्तुबाट धनगढी तर्फ आउदै गरेको ना.८ ख ४४६ नम्बरको ट्रकले बिहान पौने ६ बजेको समयमा ठक्कर दिएको जिल्ला प्रहरी कार्यालय कैलालीले जनाएको छ ।
कपिल बस्तु ३ बस्ने ढक बहादुर कार्कीले चलाएको ट्रक ले पैदल यात्रु १३ बस्ने राजपुरका २९ बर्षकी गोदावरी नाथलाई समेत ठक्कर दिएको डिएस्पी कबिन्द्र सिंह बोहराले बताए ।
गम्भीर घाईते भएकी उनलाई माया मेर्टो अस्पतालमा उपचार भईरहेको उनले बताए ।
टाउकोमा चोट लागेको छ र उनको अबस्था नाजुक भएको प्रहरीले जनाएको छ ।
साथै सडक किनारमा लगाएकोे तारबार भत्केको छ भने सडक पेटीमा रहेको बिधुतको पोल समेत ढलेको छ ।
ट्क र चालकलाई प्रहरीले नियन्त्रणमा लिएर अनुसन्धान भईरहेको जनाएको छ ।
