काठमाडौँ । नेपालका प्रधानमन्त्री केपी शर्मा ओलीको मन्त्रिपरिषद्‍मा डा। आरजु राणा देउवा परराष्ट्रमन्त्री बनेकी छन् । उनले सोमबार पदभार ग्रहण गरेकी हुन् ।उनले पदभार ग्रहण गरे लगत्तै तथ्य र प्रमाणका आधारमा सीमा विवाद समाधान गर्नुपर्ने बताइन् । यसले छिमेकी मुलुकसँगको अनावश्यक विवादको अन्त्य हुने उनको विश्वास छ । उनले पहिलेजस्तै छिमेकी मुलुकसँगको सीमा विवाद सिमानामा स्तम्भ गणना गरेर समाधान गर्नुपर्ने आवश्यकता नरहेको बताइन् ।उनले भनिन्, ‘हामी भारतसँगको सीमा विवाद भूगोल, इतिहास र जीपीएसका आधारमा नयाँ वैज्ञानिक नक्साका आधारमा समाधान गर्छौँ । अहिले हामीसँग पहिलेभन्दा धेरै जानकारी, तथ्य र प्रमाण छ । त्यसैले कुन सीमा स्तम्भ कहाँ हो भन्ने चिन्ता लिनु पर्दैन ।’देउवाले थप भनिन्, ‘अहिले तथ्य बाहिर आएको छ । त्यसैले अब हामी हाम्रो सीमा विवाद समाधान गर्न सक्छौँ। मेरो जानकारीमा महाकाली एउटा सिमाना नदी हो । यसमा नेपाल र भारत दुवैको पहुँच छ । त्यसैले यस विषयमा सधैँ विवाद हुने गरेको छ ।’राणा नेपालको चौथो महिला परराष्ट्रमन्त्री हुन् । उनीअघि विमला राई पौडेल, सुजाता कोइराला र सहाना प्रधान नेपालको परराष्ट्रमन्त्री भइसकेका छन् ।रातोपाटीबाट