धनगढी- कैलालीमा एक हजार सात सय ३३ वटा अपराधका घटना भएका छन् । गत आव २०८०/८१ मा जिल्लामा उक्त अपराधका घटना भएका हुन् ।
कर्तव्य ज्यानका ११,ज्यान मार्ने उद्योगका २६,भवितव्य ज्यानका ७५,फुटकर ज्यानका ५७ आत्महत्या दुरुत्साहनका २३,ज्यान सम्बन्धि १ र गर्भपतन सम्बन्धि १ मुद्धा दर्ता भएको जिल्ला प्रहरी कार्यालय कैलालीका प्रवत्ता डिएसपी कबिन्द्रसिंह बोहराले जानकारी दिए ।
उनका अनुसार एक वर्षको अवधीमा २ सय ७ वटा आत्महत्याका घटना भएका छन् । जसमा बिष सेवनका ३०,झुण्डिएर २ सय ७,करेन्ट लागी ९,पानीमा हाम फालेर २४ जनाले ज्यान गुमाएका छन् ।
चोरी सम्बन्धी ८३ वटा मुद्धा रहेकामा डाँकाचोरीका ५,नकवजनी चोरीका ७,साधारण चोरीका ६८ र सवारी चोरीका ३ वटा रहेको जिल्ला प्रहरी कार्यालय कैलालीले जनाएको छ ।
सामाजिक अपराधका ३ सय ८५ मुद्धामध्ये सार्वजनिक हित कसुरका ३ सय ५१, नागरिकता सम्बन्धि २ र अभद्र व्यवहारका ३२ वटा रहेको जनाइएको छ । जुवातास तथा सट्टेबाजीका २२,ठगीका २२,लागूऔषका ३ सय १५ व्यक्ति बेपत्ता एक,हातहतियार खरखजनाका ९ र अपराधिक प्रवेश उपद्रवको एक गरी सांगठनिक तथा आर्थिक अपराधका ३ सय ७० मुद्धा दर्ता भएको जनाइएको छ ।
महिला तथा बालबालिका सम्बन्धी एक सय ४५ वटा मुद्धा दर्ता भएका छन् । जसमा मानव बेचबिखन तथा ओसारपसारका ३,बहुविवाहका २८,बालविवाहका ३,जवरजस्ती करणीका ८३, जवरजस्ती करणी उद्योगका १८ र यौन दुराचारका १० वटा मुद्धा दर्ता भएका छन् ।
सवारी ज्यानका ५४,सवारी अंगभंगका ४ र सवारी भवितव्यका २२ वटा गरी सवारी सम्बन्धी ८० वटा मुद्धा रहेको जनाइएको छ । त्यस्तै अन्यतर्फ इजलास सम्बन्धी कसुरका १०,अपहरण तथा शरीर बन्धकका १,अपहरण तथा जबरजस्ती करणीका ३,विद्युतीय कसुर तथा साइवर अपराधका ७,बैंकिङ कसुरका १ सय ७२,पशुपंछि ऐनका १,अपराधिक लाभका नौ,संगठित अपराधका १ र अन्य एक गरी २ सय ५ वटा मुद्धा दर्ता भएको जिल्ला प्रहरी कार्यालय कैलालीले जनाएको छ ।
