धनगढी- कैलालीबाट प्रहरीले अवैध भन्सार छलीका सामान नियन्त्रणमा लिएको छ । आइतबार जिल्लाका विभिन्न स्थानबाट भन्सार छलीका सामान बरामद गरेको हो ।
जिल्ला प्रहरी कार्यालय कैलाली र मातहतका कार्यालयहरुबाट खटिएको प्रहरी टोलीले भारतबाट भन्सार छली गरि ल्याएका रु १४ लाख ९५ हजार ७४० बराबरको चिनी, सेन्डिल, पवन सुर्ती, विंडी, साइकलको ब्रेक,मोबाइल खेलौना, चप्पल लगायतका सामानहरु वेबारिसे अवस्थामा फेला पारी नियन्त्रणमा लिएको सुदूरपश्चिम प्रदेश प्रहरी कार्यालयले जनाएको छ । सो सम्बन्धमा आवश्यक कार्वाही भइरहेको प्रहरीले जनाएको छ ।
