धनगढी । कैलालीमा फरार ज्यान मुद्धाका एक जना २० बर्ष पछि पक्राउ परेका छन । पक्राउपर्नेमा भजनी नगरपालिका ८ बस्ने बर्ष ४७ का लल्लन जागा रहेका छन ।
उनलाई लुम्बिनी प्रदेश जिल्ला बर्दीया मधुबन नगरपालिका ४ ढोडरी बजार स्थित बेलुवा चोकबाट ईलाका प्रहरी कार्यालय राजापुर बर्दीयाको प्रहरीको टोलीले पक्राउ गरेको जिल्ला प्रहरी कार्यालय कैलालीका प्रवक्ता एवं प्रहरी निरीक्षक गंगा दत्त बडुले जानकारी दिए ।
ईलाका प्रहरी कार्यालय भजनीबाट प्र.नि.लोक राज जोशीको कमाण्डमा खटिएको प्रहरी टोलीले जागालाई आवश्यक कारवाहीको लागि ईलाका प्रहरी कार्यालय भजनीको हिरासत कक्षमा राखिएको उनले वताए ।
