धनगढी- सुदूरपश्चिम प्रदेशका नवनियुक्त मुख्यमन्त्री कमलबहादुर शाहले आज सपथ लिँदै छन् । आजै सरकारले पनि पूर्णता पाउने भएको छ । मुख्यमन्त्रीसँगै छ मन्त्री र तीन राज्यमन्त्रीले सपथ लिने भएका छन् । सत्ता साझेदार दलहरुले मन्त्रीहरुको टुंगो पनि लगाइसकेका छन् ।

नेपाली कांग्रेसले आर्थिक मामिला मन्त्रीमा बहादुरसिंह थापा, सामाजिक विकास मन्त्रीमा मेघराज खड्का,आर्थिक मामिला राज्यमन्त्रीमा प्रकाश बम र सामाजिक विकास राज्यमन्त्रीमा सरस्वती खड्कालाई सिफारिस गरेको छ । त्यस्तै, एमालेले भौतिक पूर्वाधार विकास मन्त्रीमा सुरेन्द्र पाल, भूमि व्यवस्था, कृषि तथा सहकारी मन्त्रीमा बीरबहादुर थापा,आन्तरिक मामिला तथा कानून मन्त्रीमा हिरा सार्की र भौतिक पूर्वाधार विकास राज्यमन्त्रीमा निर्मला साउँदलाई सिफारिस गरेको जनाइएको छ ।

त्यस्तै, नागरिक उन्मुक्ति पार्टीले लक्ष्मण किशोर चौधरीलाई उद्योग,पर्यटन,वन तथा वातावरण मन्त्रीमा सिफारिस गरेको जनाइएको छ । एमालेका पाल, थापा र सार्की पूर्व मन्त्री हुन् ।