धनगढी- सुदूरपश्चिम प्रदेशका मुख्यमन्त्री कमलबहादुर शाहले वर्तमान संविधानबाट संघीय लोकतान्त्रिक गणतन्त्र संस्थागत हुन पुगेको
बताएका छन् ।
संविधान दिवस तथा राष्ट्रिय दिवस २०८१ को अवसरमा प्रदेश सरकारले आज धनगढीमा आयोजित मूल समारोह कार्यक्रममा बोल्दै उनले यस्तो बताएका हुन् ।
उनले वर्तमान संविधानले गरेका व्यवस्था र परिकल्पना अनुसारको अभ्यासमा सिंगो मूलुक क्रियाशील रहेको बताउँदै नागरिक स्वतन्त्रता,मौलिक हक अधिकार,बालमताधिकार,आवाधिक निर्वाचन,पूर्ण प्रेस स्वतन्त्रता,निश्पक्ष सक्षम,लोकतान्त्रिक मुल्य र मान्यताको जगमा दिगो शान्ति,सुशासन,विकास र समृद्धि प्राप्तीका लागि मार्ग प्रसस्त गरेको बताए ।
उनले भने ‘केन्द्रीकृत र एकात्मक शासन व्यवस्थाको स्थानमा संघीयतात्मक शासन प्रणालीको व्यवस्था गर्नु यस संविधानको अर्को महत्वपूर्ण उपलब्धि हो ।’
साझा शासनन तथा सुशासनको उचित तालमेल मिलाई सहकार्यता,सहअस्तित्व र समन्वयको सिद्धान्तमा आधारित संघयि लोकतान्त्रिक गणतन्त्रात्मक शासन प्रणालीको दिगो व्यवस्थिापन गर्न बर्तमान संविधानले दिशा निर्देश गरेको उनले बताए ।
मुख्यमन्त्री शाहले वर्तमान संविधानले यसअघिका संविधानभन्दा उन्नत मौलिक हकहरुको व्यवस्था गरि तीनीहरुको प्रभावकारी कार्यान्वयनका लागि दिशा निर्देश गर्नुका साथै राज्यका सबै निकायमा समानुपातिक समावेशी प्रतिनिधित्वको सुनिश्चितता गरेको बताए ।
कार्यक्रममा प्रदेश प्रमुख नजिर मियाँ,सभामुख भीमबहादुर भण्डारी,पूर्वमुख्यमन्त्रीहरु, उपसभामुख, प्रदेशका मन्त्री, राज्यमन्त्री, प्रदेश सभा सदस्यलगायतको उपस्थिति रहेको थियो । कार्यक्रममा सुदूपश्चिमको मौलिक संस्कृति झल्किने छलिया,राना थारु होरी नाच प्रस्तुत गरिएको थियो ।
