धनगढी- एयर किङ्गस प्लेसमेन्ट काठमाण्डौँले कैलालीको धनगढीमा शाखा विस्तार गरेको छ । वैदेशिक रोजगारीमा जान चाहनेहरुलाई सुविधा दिने उदेश्यले सोमबार प्लेसमेन्टको शाखा उद्घाटन गरिएको हो ।
शाखाको उद्घाटन गर्दै सुदूरपश्चिम प्रदेशका पूर्वमन्त्री एवं प्रदेशसभा सदस्य रमेशसिंह धामीले बैदेशिक रोजगारीमा जाने व्यक्तिहरुलाई सुविधा दिन पहिलो पटक सुदूरपश्चिममा मेनपावरको शाखा खुल्नु निकै महत्वपूर्ण भएको बताए ।
उनले भने ‘यो क्षेत्रमा यो सुविधा थिएन् । पहिलो पटक खुलेको छ । यो महत्वपूर्ण कार्य हो । नेपाल सरकारको सुदूरपश्चिममा श्रम कार्यालय भएको सन्दर्भम मेनपावरले यहाँ शाखा सञ्चालन गर्नुको हिसाबले यो ठीकै हो ।’
उनले बैदेशिक रोजगारीको खोजीमा रहेका यहाँका दक्ष जनशक्तिलाई उचित,सम्मानजनक ढंगले वैदेशिक रोजगारीमा गएपछि अप्ठेरो नपर्ने गरी मेनपावरले काम गर्नुपर्ने बताए । वैदेशिक रोजगारीमा जानेलाई के काम हो कुन कम्पनीमा हो सबै पूर्व जानकारी मेनपावरले दिएर श्रम कार्यालयको नियममा रहेर काम गर्नुपर्ने उनको जोड थियो ।
धनगढी शाखाका प्रबन्धक बिष्णु केसीले वैदेशिक रोजगारीमा जानेलाई सहज होस् भनेर धनगढीमा शाखा विस्तार गरिएको बताए । उनले भने ‘हामी यहाँबाट दुबई,कतार,मलेशियालगायतका खाडी मूलुकहरुमा रोजगारीमा जान चाहनेलाई पठाउँछौँ । भोलिबाट सुविधा दिने काम सुरु हुन्छ ।’
उनले भने ‘यो मेनपावरको आधिकारिक र स्थानीय स्तरमा भएको शाखा हो । के कामका लागि हो । जुन देशको भिजा हो । वैदेशिक रोजगारीमा जानेहरुलाईं त्यसको सबै पूर्व जानकारी दिएर मात्रै पठाउँछौँ ।’
