धनगढी । आजदेखि नेपाल कम्युनिस्ट पार्टीका संस्थापक सदस्य नरबहादुर कर्माचार्यको जन्मशताब्दी समारोह आरम्भ गरिएको छ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले ललितपुरको बगलामुखी, कुम्भेश्वरमा रहेको कर्माचार्यको सालिकमा माल्यार्पण गरेपछि यो कार्यक्रम आरम्भ भएको हो ।
सोही अबसरमा नेकपा माओवादी केन्द्र धनगढी उपमहानगर कमिटीले पनि धनगढी–९,स्थित त्रिवेणी आर्यघाटमा सरसफाई गरेको छ । सरसफाई कार्यक्रममा करिब ५० जना नेता कायृकर्ताको सहभागितामा रहेको थियो ।
कर्माचार्यको जन्म भएको एक सय वर्ष पुगेको अवसर पारेर वर्षभरि नै कार्यक्रम गरिँदै छ । माओवादी केन्द्रले कर्माचार्यको जन्दशताब्दीको अवसरमा देशैभरि कार्यक्रम गर्न पार्टी पङ्क्तिलाई निर्देशन दिइसकेको छ ।
तस्बिरमा हेर्नुहोस्
