कैलाली । सुदूरपश्चिम प्रादेशिक ललितकला प्रदर्शनी २०८१ आजबाट शुरु भएको छ ।
सुदुरपश्चिम प्रज्ञा प्रतिष्ठान धनगढी र नेपाल ललितकला प्रज्ञा प्रतिष्ठान काठमार्डौको संयुक्त आयोजनामा शुरु भएको सो प्रदर्शनीको उद्घाटन सुदूरपश्चिम प्रदेश सभाका सभामुख भीमबहादुर भण्डारीले गरेका छन ।
आजबाट शुरु सो प्रदर्शनी ५ दिन सम्म संचालन हुने सुदूरपश्चिम प्रज्ञा प्रतिष्ठानका उपकुलपति डा. टी.एन जोशीले जानकारी दिए ।
उनले प्रदर्शनीमा दुई सयभन्दा बढी कलाकृत समावेश रहेको र अवलोकन १० हजारभन्दा बढीले गर्ने अपेक्षा राखेको बताए ।
प्रदर्शनी ९ वटै जिल्लाका कलाकृतिलाई समावेश गरेको उल्लेख गर्दै उनले यस क्षेत्रको लोप हुन थालेको कलालाई लोप हुन नदिने उदेश्यले प्रादेशिक ललितकला प्रर्दशनी २०८१ आयोजना गरेकाे बताए ।
यो प्रदर्शनी विद्यार्थीका लागि अझ उपयोगी रहेको उनले बताए । सबै क्षेत्रका मानिसले अबलोकन गर्न र लोप हुन थालेको कलालाई राष्ट्रिय तथा अन्तर्राष्ट्रिय स्तरमा चिनाउन यो प्रदर्शनीले महत्वपूर्ण भूमिका खेल्ने उनको भनाइ छ ।
