धनगढी । विश्व हिन्दु परिषद नेपाल सुदूरपश्चिम प्रदेशकाे आयाेजनामा ५ दिवसीय नि:शुल्क ज्ञानविज्ञान याेग शिविर संचालन गरेकाे छ ।
धनगढी उप महानगरपालिका- ३ काे तक्षशिला ज्ञान आश्रमकाे प्राङ्गणमा यही बैशाख २५ गते शुरु भएकाे याेग शिविर आज देव यज्ञ हवन गरि सम्पन्न भएकाे हो ।
प्रत्येक दिन बिहान ४.३० बजे देखि ६.०० बजे सम्म संचालन भएकाे शिविरमा मुख्य याेग प्रशिक्षकमा पतन्जली याेग समिति सुदूरपश्चिम प्रभारी काशीनाथ भट्ट ,पतन्जली याेग हरिद्वारका संस्थापक सदस्य धर्मराज काेईराला , पतन्जली याेग समिति नेपालका संरक्षक मदनराज पाण्डेय तथा पतन्जली याेग समित कैलालीका मार्गदर्शक हेमन्त ओझा रहेका थिए ।
उद्घाटन सत्र र समापन सत्रका प्रमुख अतिथि धनगढी उपमहानगरपालिका-३ का वडाध्यक्ष राजबहादुर ऐर रहेका थिए । कार्यक्रम विहिप सुदूरपश्चिम प्रदेश अध्यक्ष महेन्द्रराज पन्तको अध्यक्षतामा भएको थियो ।
कार्यक्रम संयाेजकमा शिव मन्दिर व्यवस्थापन समितिका अध्यक्ष गजबहादुर ऐरी तथा सह संयाेजक शिव मन्दिर याेग केन्द्रकी संयाेजक पुष्पा जाेशी रहेकी थिइन् । कार्यक्रममा करिब १५० जना भन्दा बढिकाे सहभागिता रहेकाे थियाे ।
