अछाम । अछामकोे मंगलसेन नगरपालिका ८ ओलीगाँउ स्थित मंगला नेपाल राष्ट्रिय विद्यालयमा अध्ययनरत ९,१०, र ११ का ५७ जना बिद्यार्थी र उपस्थित अभिभावकलाई प्रहरीले सचेता दिने उदेश्यले कार्यक्रम गरेको छ ।
आज जिल्ला प्रहरी कार्यालय अछाम र सामाजिक विकास कार्यालय अछामको आयोजनामा सो कार्यक्रम गरेको हो ।
सामुदायिक प्रहरी साझेदारी कार्यक्रम अन्तर्गत वालबिबाहको परिचय, असर, कानूनी कारवाही, बहुबिबाह, बहुविवाह गरेमा वा गराएमा हुने कानूनी सजाय, लगाएतका बिषयमा सचेतनाका कार्यक्रम गरेको जिल्ला प्रहरी कार्यालय अछामका डिएसपी ईश्वरी प्रशाद भण्डारीले निशाना न्युजलाई जानकारी दिए ।
यौन दुर्व्यवहार, यौन दुर्व्यवहार गरेमा हुने सजाय, घरेलु हिंसा, घरेलु हिंसा गरेमा हुने कानूनी सजाय तथा छाउपढी प्रथा न्युनिकरणका उपायहरु र कानुनी व्यवस्था साथै लागु औषध नियन्त्रण सम्बन्धमा उपस्थित अभिभावक, जनप्रतिनिधी, शिक्षक र शिक्षिकाहरु लगायत उक्त विद्यालयमा अध्यनरत विद्यार्थीहरुलाई श्रव्यदृष्य सामग्रीहरूको साथमा प्रस्तुतीकरण सहित सचेतना मुलक कार्यक्रम गरिएको उनले बताए ।
सामाजिक विकास कार्यालयका कार्यालय प्रमुख डम्बर बहादुर रावलको अध्यक्षतामा कार्यक्रम शुरु भएको थियो । कार्यक्रममा विद्यालय व्यवस्थापन समितिका अध्यक्ष रमेश रावल तथा विद्यालयका प्रधानाध्यापक मिन बहादुर भण्डारीको समेत उपस्थिती रहेको उनले बताए ।
