धनगढी । कैलालीमा रु.४२ लाख ३७ हजार ५ सय मूल्य बराबरका विभिन्न मोबाइलका डिस्प्लेहरु सहित एक जना पक्राउ परेका छ्न ।
पक्राउ पर्नेमा डडेल्धुराको आलिताल गाउँपालिका-४ बस्ने ३२ वर्षीय मानबहादुर वली रहेका छ्न ।
बिहीबार इलाका प्रहरी कार्यालय मालाखेती र जिल्ला प्रहरी कार्यालय कैलालीबाट खटिगएको संयुक्त प्रहरी टोलीले गोदावरी नगरपालिका-२ रिङरोडस्थित वीरबहादुर साउदको घरमा बस्ने निज वलीको कोठा चेकजाँच गर्दा अन्दाजी उक्त मूल्यका अवैध विभिन्न मोबाइलका २ हजार ८२५ डिस्प्लेहरु फेला पारि पक्राउ गरिएको जिल्ला प्रहरी कार्यालय कैलालीले जनाएको छ ।
निज वली र सामान आवश्यक कारवाहीको लागि त्रिनगर भन्सार कार्यालय कैलाली बुझाउने कार्य भइरहेको जनाइएको छ ।
