अछाम । अछामको मंगलसैन ८ चिन्ने सामुदायिक वन स्थित मध्य पहाडी लोकमार्गको अबरद्ध सडक संचालनमा आएको छ । सडक माथीबाट उत्तिसको रुख खस्न गई सडक पुर्ण रुपमा अवरोध भएको थियो ।
सडक अबरुद्ध भएको जानकारी प्राप्त हुना साथ अस्थायी प्रहरी पोष्ट ठुलासैनबाट तत्काल प्रहरी टोली खटी गई प्रहरी र उक्त सडकमा काम गर्ने कामदारहरुको सहयोगमा अवरोध हटाई संचालनमा ल्याइएको जिल्ला प्रहरी कार्यालय अछामका डिएसपी ईश्वरी प्रशाद भण्डारीले निशाना न्युजलाई जानकारी दिए ।
