धनगढी । नेपाल पत्रकार महासङ्घकी अध्यक्ष निर्मला शर्माले मिडिया बलियो नभए राज्यले नसुन्ने बताइन् ।
महासङ्घको कैलाली शाखाले सोमबार धनगढीमा आयोजना गरेको स्वागत कार्यक्रममा बोल्दै उनले यस्तो बताएकी हुन् ।
उनले राज्यलाई झक्झक्याउन पहिले मिडिया बलियो हुनु पर्ने बताइन् । उनले भनिन् ‘मिडिया बलियो नभए राज्यले सुन्दैन् । राज्यलाई झक्झक्याउन मिडिया बलियो हुनु पर्छ ।’
उनले मिडिया बलियो बनाउन राज्यले दायित्व निर्वाह गर्नुपर्ने बताइन् । उनले भनिन् ‘मिडियालाई कसरी बचाउनले भन्ने कुरा आम नागरिकको चासोको पनि विषय हुन्छ । महासंघले पनि यो विषयमा छलफल गर्न जरुरी हुन्छ ।’
अहिले मिडियामा न्यु मिडियाको प्रभाव परेको बताउँदै उनले त्यसलाई मिट गर्न सक्ने विषयबस्तु उत्पादन गर्ने,सही र तथ्य सूचना प्रवाह गर्ने कुरामा जोड दिनुपर्ने बताइन् ।
पछिल्लो समय पत्रकारिताका धेरै आयामहरु परिवर्तन भएको उनले बताइन् । उनले भनिन् ‘पत्रकार महासंघले गर्ने भूमिकामा पनि फरक आएको छ । अहिले मिडियाको स्थिरताको कुरा गर्नु प¥यो । प्रेस स्वतन्त्रताको संरक्षण गर्नु पर्छ । पत्रकारका हकहितमा काम गर्नु प¥यो ।’
