धनगढी । कैलालीको धनगढी उपमहानगरपालिका–४ बोराडाँडीकी रीता अवस्थीले ड्रागन फ्रुट खेती गर्न सुरु गरेको करिब ४ वर्ष भयो । उनले करिब एक विगाहा जग्गामा ड्रागन फ्रुट खेती गरेकी छन् । उनले दुई हजार पाँच सय बढी ड्रागन फ्रुटका बोट लगाएकी छन् ।

भागेश्वर बहुउद्देश्यीय कृषि तथा अनुसन्धान केन्द्र नामक फर्म खोलेर व्यवसायिक ड्रागन फ्रुट खेतीमा लागेकी रीताले विस्तारै यसबाट आम्दानी गर्न थालेकी छन् । उनले पछिल्लो एक महिनामा ५५ हजारको ड्रागन फ्रुट विक्री गरेको बताइन् । यसअघि गत वर्षको कार्तिकमा एक लाखको ड्रागन फ्रुट बिक्री गरेको बताइन् ।

उनले अहिले ड्रागन फ्रुटबाट आम्दानी हुन थालेपनि फाइदाका लागि ४/५ वर्ष कुर्नुपर्ने बताउँदै रोगव्याधीबाट बचाउनु पर्ने बताइन् । उनले ड्रागन फ्रुट खेतीमा करिब १५ लाख लगानी पुगिसकेको बताइन् । उनले भनिन् ‘पहिलो वर्ष खर्च बढी हुन्छ । पोल हाल्नु पर्छ । टायर किन्नु प¥यो । कामदार लगाएर रोप्नु पर्छ । छ/छ महिनामा मल हाल्नुपर्छ ।’

उनले अहिले सिउँडी जातको ड्रागन फ्रुट लगाएको बताउँदै यो जातको ड्रागन फ्रुट अत्यन्त मीठो हुने बताइन् । उनले अर्गानिक तरिकाले उत्पादन गरिरहेको बताउँदै यसमा धेरै मेहनत गर्नुपर्ने बताइन् । उनले एक जनालाई रोजगारी समेत दिएको बताइन् । उनले भनिन् ‘खानासहित ११ हजार तलब दिने गरेकी छु । आम्दानी ठिकै छ । अहिले लगानी उठिरहेको छ । चार जनाको परिवारको खर्च यसैबाट चलेको छ ।’

ड्रागनको बजार पनि राम्रै भएको उनले बताइन् । उनले ड्रागन फ्रुट प्रतिकिलो पाँच सयमा बिक्री गर्ने गरेको बताइन् । उनले भनिन् ‘ड्रागन फ्रुट पोषणयुक्त र मीठो हुने भएकाले सबैले मन पराउनुहुन्छ ।’

उनले यसका साथै एक विगाहा ३ कठ्ठामा फूल,मुमको दाल र पर्वर खेती समेत गर्ने गरको बताइन् । उनले दुई महिनामा ३० हजारको पर्वर बिक्री गरेको बताइन् ।

उनले नर्सरी निर्माण गरि फूल बिक्री केन्द्र स्थापना गर्ने योजना रहेको बताउँदै फूल बिक्री केन्द्र निर्माणाधिन अवस्थामा रहेको बताइन् । त्यस्तै गड्यौला मल उत्पादन,प्याकेजिङ गरि बजारमा बिक्री गर्ने गरेको बताइन् ।