धनगढी । कैलालीको धनगढीस्थित माया मेट्रो हस्पिटल प्रालि र अखिल नेपाल ट्रेड युनियन महासंघ धनगढी उपमहानगर कमिटीबीच मजदुरको उपचारमा छुट दिने सम्झौता भएको छ ।
शुक्रबार अस्पतालमा विभिन्न सेवामा तोकिएअनुसार छुट दिने गरि सम्झौता भएको हो । माया मेट्रो हस्पिटल प्रालिका हस्पिटल निर्देशक डा. मोहन साउद र अखिल नेपाल ट्रेड युनियन महासंघ धनगढी उपमहानगर कमिटीका तर्फबाट अध्यक्ष अक्कलबहादुर बिष्टले सम्झौता पत्रमा हस्ताक्षर गरेका छन् ।
अस्पतालमा उपचाररत मजदुरहरुले अखिल नेपाल ट्रेड युनियन महासंघ धनगढी उपमहानगर कमिटीमा आबद्ध भएकोे परिचय तथा सिफारिस पहिचान खुल्ने गरि कागजात पेश गर्नुपर्ने सम्झौतामा उल्लेख छ ।
अस्पतालले उपचाररत मजदुरलाई ल्यावमा १५,बेड चार्जमा १५,अल्ट्रासाउड इन्डोस्कोपीमा १५,सीटीस्क्यानमा १५,फार्मेसीमा ५ र ओटीमा १० प्रतिशत छुट दिने उल्लेख छ ।
