धनगढी । कञ्चनपुरबाट प्रहरीले भन्सार छलीका सामान बरामद गरेको छ ।
बुधबार जिल्लाको भीमदत्त नगरपालिका–४ बसपार्क क्षेत्र तथा वडा नम्बर १६ र १७ मझगाउँबाट अवैध रूपमा भारतबाट ल्याइएका रु २ लाख २७ हजार ११० बराबरका सामान बरामद गरिएको प्रहरीले जनाएको छ ।
उक्त मूल्यका बसाडी, सुटपिस, धोती, जुत्ता, मोजा, सेन्ट, सिरकको खोललगायतका सामान जिल्ला प्रहरी कार्यालय कञ्चनपुर तथा मातहत कार्यालयबाट खटिएको गस्ती टोलीले वेवारिसे अवस्थामा फेला पारी बरामद गरेको जनाइएको छ ।
