धनगढी । कैलालीको धनगढीमा किङ्ग हिल्स गार्मेन्ट उद्योग सञ्चालनमा आएको छ । पत्रकार हर्कसिंह प्रपाला र केशवसिंह विकले गार्मेन्ट उद्योग सञ्चालनमा ल्याएका हुन् । लामो समय पत्रकारिता गर्दै आएका प्रपाला एभिन्युज टेलिभिजनका सुदूरपश्चिम व्यूरो प्रमुख हुन् ।
उद्योगको शनिबार कैलाली उदोग वाणिज्य संघका अध्यक्ष पुष्करराज ओझाले उद्घाटन गरेका छन् । उद्योगको उद्घाटन गर्दै अध्यक्ष ओझाले व्यवसायिक सफलताको शुभकामना व्यक्त गरे ।
पछिल्लो समयमा यस्ता खालका उद्योगहरु सञ्चालनमा आउनु राम्रोको कुरा भएको बताए । यस्ता खालका उद्योगले रोजगारीको समेत सिर्जना गर्ने उनले विश्वास व्यक्त गरे ।
सञ्चालक प्रपालाले ४० लाख लगानीमा उद्योग सञ्चालनमा ल्याइएको बताए । उनले २५ जनालाई प्रत्यक्ष रोजगारी दिइएको जानकारी दिए । उनले भने ‘देशको पछिल्लो संक्रमणकालीन अवस्थामा पनि विभिन्न समस्यका बाबजुद हामीले काम गर्ने जमर्को गरेका छौँ ।’
‘हामीले विद्यालयलाई लक्षित गरेर यो उद्योग सञ्चालनमा ल्याएका हौँ । यहाँ विभिन्न निजी तथा सरकारी विद्यालयका पोशाक उत्पादन गर्ने जमर्को गरेका छौँ’ उनले भने ‘नेपाली राष्ट्रिय पोशाक,कोट,पाइन्ट पनि तयार गर्छौँ ।’
उनले गुणस्तरीय सेवा दिने तथा उच्च स्तरको कपडाहरु पाइने बताए ।
