धनगढी । कैलाली उद्योग वाणिज्य संघले सुदूरपश्चिम महोत्सव-२०८२ को आयव्यय सार्वजनिक गरेको छ ।
संघले आज पत्रकार सम्मेलनमार्फत महोत्सवको आयव्यय विवरण सार्वजनिक गरेको हो ।
सार्वजनिक विवरणअनुसार महोत्सवबाट कूल रु ३ करोड ७८ लाख ३६ हजार ३६७ आम्दानी भएको तथा रु २ करोड ६३ लाख १ हजार ७४० खर्च भएको छ ।
विभिन्न शिर्षक गरी ६० लाख ५३ हजार ७७१ रुपैयाँ सरकारलाई कर तिरेको कैलाली उद्योग बाणिज्य संघ अध्यक्ष पुष्करराज ओझाले जानकारी दिए ।
संघीय तथा स्थानीय कर दायित्वअन्तर्गत करिब ५१ लाख रुपैयाँ भुक्तानी गरिएको छ । सबै कर तथा दायित्व भुक्तानीपछि करिब रु २४ लाख खुद बचत रहने उल्लेख गरिएको छ ।
महोत्सव अवधिभर दुई हजारभन्दा बढी स्थानीयले प्रत्यक्ष रोजगारी पाएको र स्थानीय कलाकारहरूले आफ्नो प्रतिभा प्रस्तुत गर्ने अवसर पाएको जनाइएको छ ।
यसले प्रदेशको कला र संस्कृतिको संरक्षण तथा प्रवद्र्धनमा महत्वपूर्ण योगदान पु¥याएको अध्यक्ष ओझाले बताए । उनले आगामी दिनमा अझ प्रभावकारी रूपमा महोत्सव सञ्चालन गर्ने प्रतिबद्धता जनाएको छ ।
