धनगढी । सुदूरपश्चिम प्रदेश प्रमुख नजिर मियाँले ईद पर्वको अवसरमा स्वदेश तथा विदेशमा रहेका सम्पूर्ण नेपालीमा शुभकामना व्यक्त गरेका छन ।
ईद (इद उल फित्र)पर्व २०८२को अवसरमा शनिबार शुभकामना सन्देश जारी गर्दै उनले सबैमा सुख, समृद्धि, सुस्वास्थ्य, दीर्घायु तथा निरन्तर प्रगतिको कामना गरेका छन।
इस्लाम धर्मअनुसार पवित्र रमजान महिनाको समापनसँगै मनाइने ईद उल फित्र पर्वको धार्मिक तथा सांस्कृतिक महत्वबारे उल्लेख गर्दै उनले चन्द्रमाको दर्शनपछि मात्र पर्व सुरु हुने परम्परा रहेको उल्लेख गरेका छन ।
प्रदेश प्रमुख मियाँले इस्लाम धर्मावलम्बीहरूले ईदको दिन गच्छेअनुसार फित्रा (दान) दिने, नयाँ लुगा लगाइ इदगाहमा सामूहिक नमाज अदा गर्ने परम्परा रहेको उल्लेख गरेका छन ।
उनले ईदले आपसी सद्भाव, समझदारी, समन्वय र मेलमिलापको भावना अभिवृद्धि गर्दै राष्ट्रिय एकता सुदृढ बनाउन प्रेरणा मिलोस् भन्ने कामना पनि व्यक्त गरेका छन।
