धनगढी । सुदूरपश्चिममा एक महिनामा लागुऔषधसहित ८६ जना पक्राउ परेका छन् । गत फागुन महिनामा लागुऔषसहित प्रदेशभरी ८६ जना पक्राउ परेका हुन् ।
फागुनमा ८२ जना पुरुष र ४ जना महिला पक्राउ परेको सुदूरपश्चिम प्रदेश प्रहरी कार्यालय धनगढीले जनाएको छ । सो एक महिनाको अवधिमा लागुऔषध चरेश २ किलो ६० मिलिग्राम,खैरोहिरोइन ९९ ग्राम ८९० मिलिग्राम र एम्पुल फेनारगन १०५ ट्याब्लेट बरामद गरेको सुदूरपश्चिम प्रदेश प्रहरी कार्यालय धनगढीका प्रवक्ता एवं प्रहरी वरिष्ट उपरीक्षक पदमबहादुर बिष्टले जानकारी दिए ।
त्यस्तै,एक महिनामा लागुऔषध सम्बन्धी ५३ वटा मुद्धा दर्ताभएको प्रहरीले जनाइएको छ । त्यस्तै,एक महिनामा ज्यान सम्बन्धी ५८,आत्महत्याका ५२,चोरी सम्बन्धी १३,संगठित तथा आर्थिक अपराधका ६१,सामाजिक अपराधका ५३,महिला तथा बालबालिका सम्बन्धी अपराधका २२ सवारी ज्यानका १५ र अन्य ३१ वटा गरी ३ सय ५ वटा मुद्धा दर्ता भएको जनाइएको छ ।
घरेलु हिंसाका ७३ वटा उजुरी परेकोमा ५९ वटा मिलापत्र गरिएको,७ वटा अदालत पठाइएको तथा ७ वटा उजुरी प्रक्रियामा रहेको प्रहरीले जनाएको छ ।
त्यस्तै,एक महिनामा प्रदेशभरी ५२ जनाले आत्महत्या गरेको सुदूरपश्चिम प्रदेश कार्यालयले धनगढीको तथ्यांकमा उल्लेख छ । फागुन महिनामा २१ जना पुरुष, १९ जना महिला,३ जना बालक र ९ बालिकाले आत्महत्या गरेको सुदूरपश्चिम प्रदेश प्रहरी कार्यालयले जनाएको छ ।
जसमध्ये ४६ जनाले झुण्डिइ र ६ जनाले बिष सेवन गरेर आत्महत्या गरेको प्रहरीले जनाएको छ । फागुन महिनामा आत्महत्या सम्बन्धि ५२ वटा मुद्धा दर्ता भएको जनाइएको छ ।
