धनगढी । स्वदेशी लगानी, सामूहिक स्वामित्व र नेपाली आतिथ्य संस्कृतिलाई प्राथमिकता दिँदै अघि बढिरहेको होटल पौवाले आफ्नो १०औँ वार्षिकोत्सव विविध कार्यक्रमसहित मनाउने भएको छ ।
वार्षिकोत्सवको अवसरमा होटलले देशभर रहेका आफ्ना शाखाहरूमा ‘स्वाद उत्सव’ आयोजना गर्ने जनाएको छ । धनगढी शाखाले पनि स्वाद उत्सव आयोजना गर्ने आज पत्रकार सम्मेलनको आयोजना गर्दै जानकारी दिएको छ ।
पत्रकार सम्मेलनमा बोल्दै होटल पौवाका धनगढी शाखाका महाप्रबन्धक महेश सिंहले चैत २६, २७ र २८ गते तीन दिनसम्म ‘स्वाद उत्सव’ सञ्चालन हुने जानकारी दिए ।
उक्त उत्सवमा नेपाली परिकार र परम्परागत स्वादका परिकारले ग्राहकहरुलाई छुट्टै अनुभव र आनन्द प्रदान गर्ने कार्यक्रम रहेको उनले बताए । उनले भने ‘पौवाको वार्षिकोत्सव २५ गते रहेको छ । २५ गते धनगढीको मानव सेवा आश्रममा फलफूल र जुस वितरण कार्यक्रम राखेका छौँ । २६,२७ र २८ गते स्वाद उत्सवमा फरक फरक परिकार सहाकारी र मांशहारी गरि दुई वटा परिकार बनाएर ग्राहकलाई चखाउने कार्यक्रम बनाएका छौँ ।’
उनले बिहान ११ बजेदेखि साँझ ५ बजेसम्म स्वाद उत्सव चल्ने उनले बताए ।स्वाद महोत्सवमा शुल्क नलाग्ने उनले बताए ।
होटल पौवाले नेपाली मौलिक परम्परामा आधारित विभिन्न चाडपर्वहरूमा विशेष कार्यक्रम गर्दै आएको छ । यसले नेपाली संस्कृति संरक्षण र प्रवद्र्धनमा टेवा पु¥याएको कम्पनीको दाबी छ ।
होटल पौवा सञ्जालमा १ हजारभन्दा बढी कर्मचारी कार्यरत रहेका तथा २५० भन्दा बढी लगानीकर्ताको सहभागिता रहेको छ । कम्पनीले आगामी दिनमा देशका विभिन्न स्थानमा थप शाखा विस्तार गर्ने योजना पनि अघि सारेको जनाएको छ ।
नेपाली स्वाद, आतिथ्य र परिकारलाई देश तथा विदेशमा प्रवद्र्धन गर्ने लक्ष्यका साथ अघि बढेको होटल पौवाले छोटो समयमै आफ्नो छुट्टै पहिचान स्थापित गर्न सफल भएको जनाएको छ ।
