धनगढी । कैलालीको गोदावरी नगरपालिका–५ स्थित मनहरा पुल नजिक स्कुटर दुर्घटना हुँदा एक जनाको मृत्यु भएको छ।
अत्तरिया-धनगढी सडक खण्डमा सुदूरपश्चिम प्रदेश ०१–०१२ प ८४०२ नम्बरको स्कुटर अनियन्त्रित भई गएराति दुर्घटना हुँदा चालक धनगढी उपमहानगरपालिका–७ बस्ने ४५ वर्षीय ओमप्रकाश मल्लको मृत्यु भएको सुदूरपश्चिम प्रदेश प्रहरी कार्यालयले जनाएको छ ।
दुर्घटनामा गम्भीर घाइते भएका उनको धनगढीस्थित माया मेट्रो अस्पतालमा उपचारको क्रममा मृत्यु भएको प्रहरीले जनाएको छ। दुर्घटनाका सम्बन्धमा प्रहरीले आवश्यक अनुसन्धान गरिरहेको जनाइएको छ।
