धनगढी । सुदूरपश्चिम प्रदेशमा आज हर्षोल्लासका साथा बिशु पर्व मनाइँदै छ ।
हरेक नयाँ वर्षको बैशाख १ गतेलाई सुदूरपश्चिमबासीले बिसु पर्वका रुपमा मनाउने गर्दछन् ।
सुदूरपश्चिमको मौलिक एवं साँस्कृतिक पहिचानका रुपमा रहेको बिसु पर्व एक आपसमा सिस्नो खेलेर मनाइन्छ ।
बिसु पर्व मनाउनका लागि कामको शिलशिलामा घर बाहिर रहेका तथा रोजगारीका लागि बाहिर रहेकाहरु फर्कने चलन छ ।
बिशेष गरि रोजगारीका लागि भारत गएका सुदूरपश्चिमबासी घर फर्कने गर्दछन ।
बिसु पर्वमा मिठा,मिठा खानाका परिकार खाने र सिस्नो लगाउने प्रचलन रहिआएको स्थानीय बताउँछन ।
बिसुका दिन सिस्नो लगाउँदा शरीरमा रहेका सबै प्रकारका विष निस्कृय हुने जनविश्वास रहेको छ ।
स्थानीयका अनुसार वैशाख १ गतेको दिन बिहानै नुहाएर सिस्नो लगाउने प्रचलन छ ।
यसरी सिस्नो लगाउँदा शरीरमा कुनै रोग लागेको भए त्यसबाट मुक्त भइने र नयाँवर्षमा जुनसुकै विशालु जीवहरुबाट बचिन्छ भन्ने धार्मिक मान्यता रहीआएको छ ।
बिशुमा देवर–भाउजू, नन्द–भाउजू, साली–भिनाजु, फुपू–सालीहरुकाबिचमा सिस्नो पानी छ्याप्दै बिसु पर्व मनाउने चलन रहेको छ ।
