धनगढी । कैलालीमा लागूऔषधसहित प्रहरीले एक जनालाई पक्राउ गरेको छ ।
जिल्लाको धनगढी उपमहानगरपालिका-३ ट्राफिक चौराहाबाट अवैध लागूऔषध ब्राउनसुगर जस्तो देखिने पदार्थ १०० मिलिग्रामसहित सोही ठाउँ बस्ने ३० वर्षीय राकेश विष्टलाई पक्राउ गरिएको प्रहरीले जनाएको छ ।
अस्थायी प्रहरी पोष्ट विशालनगरबाट खटिएको प्रहरी टोलीले आइतबार दिउँसो शंका लागि चेकजाँच गर्दा उक्त पदार्थ फेला पारी निजलाई पक्राउ गरेको जनाएको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
