कञ्चनपुर । कञ्चनपुरमा ब्राउन सुगरसहित दुई जना पक्राउ परेका छन् ।
जिल्लाको बेलौरी नगरपालिका-१ फटैया खल्लाबाट बिहीबार दिउँसो १ ग्राम १८० मिलिग्राम ब्राउन सुगर जस्तो देखिने धुलो पदार्थसहित दुई जनालाई प्रहरीले पक्राउ गरेको हो।
पक्राउ पर्नेमा पुनर्वास नगरपालिका-११ डोकेबजार बस्ने ३० वर्षीय विशाल विक र कैलालीको जोशीपुर गाउँपालिका-९ घर भई हाल पुनर्वास नगरपालिका-११ बस्ने २२ वर्षीय कुशल चौधरी रहेका छन्।
प्रहरी चौकी फटैयाबाट खटिएको प्रहरी टोलीले से २ प ९६९५ नम्बरको मोटरसाइकलमा सवार उनीहरूलाई शंका लागेर जाँच गर्ने क्रममा उक्त पदार्थ फेला पारेको हो।
