कञ्चनपुर- आगामी मंसिर ४ गते हुने प्रतिनिधिसभा तथा प्रदेशसभा सदस्य निर्वाचनको सुरक्षालाई लक्षित गर्दै मंसिर १ गते राति १२ बजेदेखि सीमा नाका बन्द गरिने भएको छ ।
जिल्ला प्रशासन कार्यालय कञ्चनपुरले एक सूचना जारी गर्दै निर्वाचनलाई स्वच्छ, निष्पक्ष र भयरहित वातावरणमा सम्पन्न गर्नका लागि भारतसँग सीमा जोडिएका सीमा नाका बन्द गर्ने जनाएको हो । यो समयमा भारतीय सीमावर्ती क्षेत्रमा आवागमन निषेध गरिएको कञ्चनपुरका प्रमुख जिल्ला अधिकारी गोपाल प्रसाद अर्यालले जानकारी दिए ।
यसअघि सीमावर्ती भारतीय सुरक्षा अधिकारीहरूसँगको समन्वय बैठकमा समेत सीमा क्षेत्रमा हुने आपराधिक गतिविधि नियन्त्रण गर्ने, निर्वाचनको दिनसम्म ७२ घण्टा सीमा क्षेत्र सिल गर्ने, सीमा क्षेत्रबाट हुनसक्ने गैरकानूनी कार्य, अवैध हातहतियार ओसार पसार, लागू औषध ओसार पसार, मानव बेचबिखन जस्ता कार्य रोक्नको लागि दुबैतर्फ सुरक्षा निकाय सक्रिय रहने लगायतका विषयमा छलफल भएको थियो ।
।
