बझाङ- झडप रोक्न खोज्दा एक प्रहरी जवान घाइते भएका छन् । बझाङको छविस पाथिभेरा गाउँपालिका–१ गुरेलथुमको मष्टा प्रावि मतदानकेन्द्रमा दलका कार्यकर्ताहरूबीच भएको झडप रोक्न हवाइ फायर गर्ने क्रममा प्रहरीलाई गोली लागेको हो ।
घाइते प्रहरी हवल्दारको पहिचान खुल्न सकेको छैन । ती घाइते हवल्दारको उद्धारका लागि अहिले जिल्ला प्रहरी कार्यालयबाट एम्बुलेन्ससहितको प्रहरी टोली मतदानकेन्द्रतर्फ गइरहेको छ ।
उक्त मतदान केन्द्रमा सुरुमा सत्ता गठबन्धनतर्फका एक कार्यकर्ताले मतपेटिका खोस्न लागेका थिए। उनलाई एमालेका कार्यकर्ताले रोक्नुका साथै धकेलाधकेल गर्दा दुई पक्षबीच झडप भएको थियो ।
