महेन्द्रनगर- कञ्चनपुरको निर्वाचन क्षेत्र नं. ३ बाट प्रतिनिधि सभातर्फ नेपाली कांग्रेसका रमेश लेखकको जित निश्चित भएको छ ।
५० हजार ७७४ मत गणना हुँदा कांग्रेसका लेखकले १० हजार ३३१ मतको अग्रता बनाएका छन् । उनले अहिलेसम्म २६ हजार ३८३ मत पाएका छन् ।
उनका प्रतिस्पर्धी नेकपा एमालेकी निरुदेवी पालले १६ हजार ५५ मत मात्रै प्राप्त गरेकी छन्। क्षेत्र नं. ३ मा कूल ५७ हजार ९५५ मत खसेमा अब ७ हजार १८१ मत मात्रै गन्न बाँकी छ।
तर लेखक र पालबीच १० हजार ३३१ मतको अन्तर भएकाले लेखकको जित निश्चित भएको हो।
