धनगढी- फुलवारी जेसिज बर्ष २०२३ का लागि अध्यक्ष पदमा बर्ष २०२२ का कार्यकारिणी उपाध्यक्ष मनोज चौधरी सर्वसम्मत चयन भएका छन्। शनिबार फुलवारी जेसिजको ८ औँ शाखा अधिवेशनले चौधरी लाई सर्वसम्मत चयन गरेको हो।

फुलवारी जेसिज बर्ष २०२२ का शाखा अध्यक्ष बिष्णु प्रसाद ओझाको अध्यक्षतामा भएको अधिवेशनले कार्यकारिणी उपाध्यक्षमा राम चन्द्र कार्की र जगदीश घर्ती मगर लाई चयन गरेको छ। भने ४ जना उपाध्यक्षमा दिपक बिक, नबराज जोशी, कविता नेपाली र नन्दगोपाल रानालाई सर्वसम्मत चयन गरेको छ।
यस्तै महासचिव, कानुनी सल्लाहकार र कोषाध्यक्ष पदमा भने नवनिर्वाचित अध्यक्षले पद स्थापना समारोहमा मनोनीत गर्ने छन्।
कार्यक्रममा बर्ष २०१७ का अध्यक्ष लक्ष्मी राज ओझा बर्ष २०२० का अध्यक्ष विकास नेपाली निवर्तमान अध्यक्ष दिवाकर सिं ठेकरे लगायतको उपस्थिति थियो। सन् २०१५ मा संस्थापक सुनिल सुवेदीको अध्यक्षतामा स्थापना भएको फुलवारी जेसिजले विगत ७ बर्ष देखि युवा नेतृत्व विकास र सामाजिक कार्य गर्दै आएको छ।