धनगढी- आइतबार पोखरामा भएको विमान दुर्घटनामा ज्यान गुमाएकाहरुको सम्झनामा लायन्स क्लवले धनगढीको पार्कमोडमा दीप प्रज्वलन गरेका छन् । दीप प्रज्वलनको संयोजन लायन्स क्लव अफ धनगढी इनोभोटिभ र लायन्स क्लव खप्तडले गरेको थियो ।
विमान दुर्घटनामा ज्यान गुमाउनेहरुप्रति श्रद्धान्जली व्यक्त गर्दै दीप प्रज्वलन गरेको लायन्स क्लव अफ धनगढी इनोभोटिभका अध्यक्ष राकेश गुप्ताले बताए । दीप प्रज्वलनमा ३२५ एन गर्भनर सिबी चन्दको सहभागिता रहेको थियो ।
यती एयरलाइन्सको ९ एन–एएनसी एटीआर–७२ वायुयान पोखरा विमानस्थलमा अवतरण गर्ने क्रममा पुरानो विमानस्थल र नयाँ विमानस्थलको बीचमा रहेको सेती किनारमा दुर्घटनामा परेको थियो ।
विमान दुर्घटनामा चालक दलका चार जनासहित ७२ जना सवार थिए । जसमध्ये ६९ जनाको मृत्यु भएको छ भने तीन जना अझै बेपत्ता छन् ।
