धनगढी । नेपाल शिक्षक संघ धनगढी उपमहानगरपालिकाको नगर अध्यक्षमा मोहन बहादुर भण्डारी निर्विरोध निर्वाचित भएका छन् । शिक्षक सङ्घको दोस्रो अधिवेशनबाट भण्डारी सर्वसम्मत रूपमा निर्वाचित भएका हुन । कार्य समितिको उपाध्यक्षमा उमा सुवेदी, हरिस चन्द, सचिवमा गणेशराज जोशी, अर्थ सचिवमा अनिल थापा, सहसचिवमा पदम खड्का, अनिता चौधरी, पूर्ण थापा, खेमा बिक र रामशया राना निर्विरोध निर्वाचित भएका हुन भने १९ जना सदस्य चयन भएका छन् ।

नव निर्वाचित पदाधिकारीहरूलाई नेपाल शिक्षक संघ दोस्रो नगर अधिवेशनका निर्वाचन आयुक्त जय प्रकाश मिश्र ले पद तथा गोपनीयताको शपथ ग्रहण गराएका थिए । कार्यक्रममा नेपाल शिक्षक संघका सुदूरपश्चिम उपमहासचिव प्रेम बहादुर शाही, शिक्षक संघ कैलालीका पूर्व जिल्ला अध्यक्ष भूपाल सिंह खड्का, शिक्षक संघ धनगढी नगरका निवर्तमान अध्यक्ष नवराज ओझा, शिक्षक नेताहरू पदमराज जोशी, तीर्थराज पाण्डेय, लगायतका शिक्षकहरूले शुभकामना मन्तव्य राखेका थिए ।