धनगढी – सेती प्रादेशिक अस्पताल धनगढीमा नवजात शिशुको मृत्यु भएको छ । कैलालीका धनगढी उपमहानगरपालिका–९,बङ्ग्राकटानकी २४ वर्षीया तारा विकले जन्माएको नवजात शिशुको मंगलबार मृत्यु भएको हो । अप्रेशनका क्रममा डाक्टरको लापरबाहीका कारण शिशुको मृत्यु भएको आफन्तले आरोप लगाएका छन् ।

‘मंगलबार बिहान तारालाई डेलिभरीका लागि अस्पताल ल्याइएका हौँ,नर्मल डेलिभरी हुन्छ भनेर बेलुकासम्म राखे’ ताराका आफन्त सुरेश सुनारले भने ‘एक दुई घर खुलेको छ व्यथा लाग्छ नर्मल हुन्छ भनेर भने,बेलुका बच्चाले दिसा खायो भनेर भने,दिसा खायो भने पछि पनि डक्टरले वास्ता गरेनन् ।

सुनारले भने ‘बच्चाले दिसा खाएको अवस्थामा पनि अप्रेशन नगरेर त्यसै राखिराख्यो राति अप्रेशन गर्न लग्यो,बच्चाको मृत्यु भइसक्यो भनेर खबर ग¥यो । ‘बच्चाको मृत्यु भइसक्यो भनेर बाहिर खबर ग¥यो, अप्रेशनमा संलग्न डा।अञ्जना शर्मा सुत्केरीलाई टाँका नलगाएर फरार भइन्’ उनले भने ‘फेरी आएर टाँका लगाएका छन्’ ।

‘डाक्टरको चरम लापरबाही ग¥यो,कानुनी कारबाही हुनु प¥यो भन्ने हाम्रो माग हो’उनले भने । सेती अस्पतालका निमित्त मेडिकल सुपरिटेन्डेन्ट डा।शेरबहादुर कमरले घटना पछि अप्रेशनमा संलग्न डाक्टर नभागेको दाबी गरे । उनले भने ‘बिरामीले जे पनि भन्छन्,टाँका नलगाएर अप्रेशनमा संलग्न डाक्टर भागेको होइन,कुट्न मार्न आइसकेपछि बस्ने अवस्था भएन् ।

उहाँ (अञ्जना) चाहिँ सिनियर डाक्टर हो । ‘पहिले जाँच गर्दा आमा र बच्चाको अवस्था सबै ठिकै थियो,बच्चा बस्ने थैली फुटेपछि अलि धमिलो देखेपछि अप्रेशन गर्नका लागि लगेको,लग्दा खेरी ठिकै थियो,अप्रेशन डेलिभरी भइसकेपछि बच्चाको मृत्यु भयो’ उनले भने ‘बालरोग विशेषज्ञ आएर सबै हेर्नु भयो,बच्चाको अवस्था दुखद भइसकेपछि काउन्सेलिङ गर्दा खेरी बिरामीका आफन्त आक्रोशित भएर कुटपिट गर्न डाक्टरको क्वाटरसम्म जाने,हुलदङ्गा गर्ने अवस्था भएको हो ।

‘यो प्रसूति रोग सम्बन्धीको समस्या हो, बुझिराखेको छु’ उनले भने ‘रोगको विस्तृत हामी छलफल गरेर भन्छौँ । उनले भने ‘हामी कहाँ दैनिक ३०÷४० जनाको डेलिभरी हुन्छ,१०÷१५ जनाको अप्रेशन हुन्छ,हिजो १३ वटा अप्रेशन भयो,डेलिभरी आइसकेपछि सबै जाँच गराएर कुनलाई नर्मल गराउने,कुनलाई औषधी चलाउने,कुनलाई अप्रेशन गर्ने भन्ने निर्णय डाक्टरले गर्नुहुन्छ,त्यो निर्णय गर्ने बच्चा र आमाको अवस्था हेरेर हो’ ।