धनगढी- कैलालीमा बाक्लो हुस्सु लागेको छ । पुस दोस्रो साताबाट कुहिरो लाग्न सुरु भएको हो । यसअघिसम्म यहाँको मौसम सफा रहेको थियो । बिहानैबाट घाम लाग्दा जाडो यामजस्तो महसुस हुन सकेको थिएन ।
हिजो (बिहिवार) देखि बाक्लो कुहिरो लागेपछि चिसो बढेको महसुस भएको छ । मौसमसम्बन्धी जानकार धरमराज उप्रेतीले पश्चिम तराईमा हुस्सु लागेको बताए ।
उनका अनुसार भारतको हरियाणादेखि उत्तरप्रदेशसहित नेपालको पश्चिम तराईमा बाक्लो हुस्सु लागेको छ । दिउँसोतिर खुल्दै जाने भए पनि आगामी केही दिन बिहान, साँझ हुस्सु लाग्ने र तराईमा चिसो हुने उनको भनाइ छ ।
